Real Madridi ka kurorëzuar sezonin futbollistik 2018/19 si klubi më i vlefshëm në botë, sipas raportit të fundit nga grupi i pavarur i konsulencës, “Band Finance World” të botuar në Londër.
Në këtë mënyrë, Real Madridi kthehet në vendin e parë në këtë renditje pas pothuajse një dekade.
Vlera e markës së klubit u rrit me 27% nga viti i kaluar, kur u bë i pari në botë për të arritur 750 milionë euro në të ardhura.
Los Blancos kanë vlerë prej 1.64 miliard eurove duke lënë pas vetes me 1.47 miliard skuadrën e Manchester Unitedit.
Barcelona u rendit si e treti me një vlerë prej 1.39 miliard gjersa pasohen nga Bayern Munich 1,3 miliard, Manchester City 1,25 miliard si dhe Liverpool me 1,19 miliard.
Ndryshe, të gjashtë klubet përfaqësojnë 40 për qind të vlerës së markave që përbëjnë renditjen e Brand Finance Football dhe që përfshin 50 klubet më të mëdha në botë. /Telegrafi/