Gabimi i Marcelos që i kushtoi Realit me humbje, u përpoq të shmangte rivënien anësore dhe asistoi te Kane

Tottenham Hotspur shënoi fitore ndaj Real Madridit në gjysmëfinale të Audi Cup me golin e vetëm të shënuar në minutën e 22-të.

Harry Kane ishte autor i golit të fitores, i cili përfitoi nga një gabim i pabesueshëm i mbrojtësit të majtë të Los Blancos, Marcelo.

Lexo po ashtu Vazhdon forma e tmerrshme e Real Madridit, ishte radha e Tottenhamit që ta mposht

Braziliani u përpoq të shmangte një rivënie anësore pas një topi të keq që shkonte drejt tij dhe kishte për qëllim që ta kthente te portieri Keylor Navas.

Mirëpo, nga ky rast shfrytëzoi sulmuesi i Spursave, i cili e mori topin dhe e dërgoi në rrjetë.

Ky nuk ishte gabimi i vetëm i Marcelos në këtë ndeshje, pasi ai nuk ishte i sigurt edhe në disa raste tjera, gjë që tregoi se kjo nuk ishte mbrëmja e tij. /Telegrafi/