E redaktuar
Presidenti i Francës, Emmanuel Macron në një konferencë të përbashkët me kryeministrin Rama ka kërcënuar se mund të ketë pezullim të liberalizimit të vizave për Kosovën.
Macron nuk dha më shumë detaje rreth kësaj çështje, mirëpo ai theksoi se liderët e Kosovës dhe Serbisë nuk i kanë mbajtur premtimet.
“Ajo që presim nga autoritetet kosovare dhe serbe është e thjeshtë, riorganizimin e zgjedhjeve në këto komunat ku këto u bënë në kushte të papërshtatshme, pjesëmarrjen e serbëve në këto zgjedhje, njohjen e asociacionit të komunave serbe nga autoritetet kosovare. Pres që presidenti Vuçiq dhe presidentja dhe kryeministri i Kosovës, të jenë të përgjegjshëm. Ne u kemi besuar për çështjen e vizave dhe u pezullua nga ana e Francës se ka të bëjë me respektin e fjalës së dhënë dhe fjala nuk është mbajtur. Pres që të angazhohen të dyja palët që të ecim përpara në javët e ardhshme, është kushti i paqes në të gjithë zonën”,tha Macron.
Telegrafi ka kontaktuar me Qeverinë e Kosovës lidhur me deklaratën e presidentit Macron, por deri tani nuk ka pasur ndonjë përgjigje.
Ndryshe për këtë ka raportuar dhe media franceze “Le Figaro”. Telegrafi/