Gianluigi Buffon dështoi ta fitonte Ligën e Kampionëve edhe këtë sezon. Portieri legjendar dhe Juventusi u mposhtën në finalen e Cardiffit nga Real Madridi me rezultat 4-1.
Kjo ishte finalja e tretë në të cilën luajti 39-vjeçari (pas vitit 2003 ndaj Milanit dhe vitit 2015 ndaj Barcelonës).
Gigi ka zhvilluar 116 ndeshje në garën më të madhe evropiane për klube, por pa e shijuar trofeun më të rëndësishëm për klube.
Ndërkaq, po të bëhej formacioni i ëndrrave me lojtarët që nuk e kanë fituar këtë garë, padyshim se Buffon do të ishte në portë.
Aty janë edhe legjenda Diego Maradona, fenomeni Ronaldo dhe ikona Francesco Totti.
Vlen të theksohet se në këtë formacion janë pesë lojtarë që e kanë veshur fanellën e Juventusit (krahas Buffonit, edhe Pavel Nedved, Lilian Thuram, Patrick Vieira dhe Fabio Cannavaro).
Me poshtë jua sjellim formacionin ideal të futbollistëve që nuk e kanë fituar kurrë Ligën e Kampionëve. /Telegrafi/
