Chelsea mund të jetë shumë e zënë në afatin kalimtar të kësaj vere, pasi po tenton t’i transferojë disa lojtarë.
Willian, Olivier Giroud, Pedro, janë vetëm disa lojtarë që pritet të largohen nga Stamford Bridge, derisa Frank Lampard dëshiron t’i zëvendësojë ata.
Hakim Ziyech tashmë është lojtar i Chelseat, pasi e kompletoi kalimin nga Ajaxi në muajin shkurt, derisa vazhdon të jetë i huazuar.
Por, Lampard nuk dëshiron të ndalet me kaq dhe po tenton të transferojë edhe Philippe Coutinhon nga Barcelona që po ashtu është në huazim te Bayern Munichu.
Në listën e legjendës angleze është edhe Pierre Emerick-Aubameyang që ka refuzuar të vazhdojë kontratë me Arsenalin, gjersa transferimi i tij mund t’u kushtojë bluve rreth 60 milionë euro.
Dëshira e Lampardit është që të transferojë edhe Ben Chilwellin nga Leicesteri, ndërsa lojtari është i gatshëm që të fillojë një aventurë të re në Ligën Premier.
Chelsea ka fonde të mjaftueshme për transferimin e këtyre lojtarëve, pasi kanë shitur Eden Hazardin dhe disa lojtarë të tjerë, ndërsa nuk kanë transferuar lojtarë për dy afate.
Formacioni i mundshëm i Chelseat për sezonin e ri: Kepa, James, Rudiger, Zouma, Chilwell, Jorginho, Kovacic, Kante, Ziyech, Coutinho, Aubameyang. /Telegrafi/