FIGC thuhet se po konsideron të ndërhyjë për të shfuqizuar dënimin me një ndeshje të Romelu Lukakut pasi pezullimi i tij u la në fuqi nga Gjykata e Apelit.
Sulmuesi 29-vjeçar belg u përjashtua me karton të verdhë në rrethana të diskutueshme në ndeshjen e parë gjysmëfinale të Kupës së Italisë të Interit kundër Juventusit.
Ai mori kartonin e dytë të verdhë për një ‘festim provokues’, pavarësisht faktit se ishin të dyja, festimi i tij i zakonshëm dhe përgjigje të abuzimit racor që i drejtohej atij nga një numër i përkrahësve të Bianconerëve.
Interi apeloi kundër pezullimit, por kjo u refuzua nga Gjykata e Apelit, diçka që tërboi tifozët Nerazzurr.
Siç raportohet nga Corriere dello Sport, FIGC tani po shqyrton seriozisht heqjen e dënimit me një ndeshje të Lukakut, e mundur nëse presidenti Gabriele Gravina jep një falje.
Gravina është duke e vlerësuar idenë, e vetëdijshme se kjo do të dërgonte një mesazh të qartë në luftën kundër racizmit në futboll. /Telegrafi/