Cristiano Ronaldo, Lionel Messi dhe Antoine Griezmann janë tre futbollistët finalistë për çmimin e futbollistit të vitit nga FIFA.
Real Madrid, Barcelona dhe Atletico Madrid, kështu e cilësojnë duelin mes tre sulmuesve për çmimin ‘FIFA Football Awards 2016’.
Trajnerët, kapitenët e përfaqësueseve, gazetarët dhe tifozët do të votojnë se cili nga Cristiano Ronaldo, Lionel Messi apo Antoine Griezmann do ta fitojë këtë çmim.
Fituesi i Ligës së Kampionëve dhe kampionatit evropian, Cristiano Ronaldo do të jetë në garë me Lionel Messin që dominoi në elitën e futbollit spanjoll.
Ndërkohë për herë të parë në podium do të ngjitet edhe Antoine Griezmann. /Telegrafi/
