Dy prej artisteve më të suksesshme shqiptare në botë, Rita Ora dhe Dua Lipa pritet që të bëhen bashkë në të njëjtën ngjarje muzikore për herë të parë.
Të dyja këngëtaret do të jenë ndër performueset kryesore në festivalin “Rock In Rio” në Brazil që mbahet sonte (e diel).
Rita dhe Dua prej ditësh kanë njoftuar se ndodhen në Rio de Janeiro përmes postimeve të ndryshme në rrjete sociale.
Udhëtimi i Ritës drejt Brazilit vjen pas performancës madhështore në Tiranë të martë e 6 shtatorit.
Ndërkohë, pas një pushimi të shkurtër në Shqipëri dhe Spanjë, Dua ka nisur me data të reja të koncerteve në kuadër të turneut të saj botëror “Future Nostalgia”.
Kujtojmë që në të kaluarën është komentuar raporti në mes të këngëtareve shqiptare me renome ndërkombëtare duke u aluduar se nuk kanë as një kontakt me njëra-tjetrën, por të dyja nuk i kanë komentuar këto thashetheme.
Madje në konferenca të ndryshme, Rita dhe Dua janë shprehur të gatshme që në një të ardhme mund të ndodh një bashkëpunim muzikor mes tyre dhe artisteve tjera të njohura shqiptare, Bebe Rexha dhe Ava Max.
Mbetet të shihet nëse në festivalin e Brazilit do të ketë ndonjë kontakte në mes të artisteve nga Kosova. /Telegrafi/