Klubi i madh turk, Fenerbahce thuhet se e ka rikthyer në agjendë të preferuarin e saj të vjetër, yllin shqiptar Xherdan Shaqiri.
Shaqiri momentalisht është me Zvicrën në Kampionatin Botëror “Katar 2022”, ku veçse ka filluar shkëlqimin me asistim tek goli i fitoren 1-0 ndaj Kamerunit.
Sipas mediumit turk Fotomac, Fenerbahce po e monitoron me kujdes Shaqirin dhe trajneri Jorge Jesus e do në Stamboll lojtarin që mund ta përdor në shumë pozicione sulmuese.
💥 Fenerbahçe'den Shaqiri bombası!
📍 Asıl mevkisi sağ kanat olan, sol kanat ve 10 numara olarak da görev yapan 31 yaşındaki futbolcu için ocak ayında düğmeye basılacak
👕 36 maç
⚽️ 7 gol
🎯 8 asist pic.twitter.com/Ap3dMfqHKp— Fotomaç (@fotomac) November 25, 2022
Fenerbahce synon ta fitojë titullin këtë sezon në Superligën e Turqisë dhe Shaqirin e sheh si një përforcim të madh në luftën drejt trofeut.
Drejtuesit e klubit turk thuhet se do të tentojnë në afatin e janarit huazimin e futbollistit 31-vjeçar, i cili mund të luaj si numër 10 dhe në dy krahët e sulmit.
Në anën tjetër, Shaqiri, i cili luan për skuadrën amerikane Chicago Fire, pasi ka bërë 36 paraqitje këtë sezon, duke shënuar 7 gola dhe regjistruar 8 asistime.
Kontrata e Shaqirit me klubin skadon në vitin 2024, ndërsa vlera aktuale në treg e është katër milionë euro.
Shaqiri në karrierën e tij ka luajtur edhe për skuadra si Liverpool, Inter, Stoke City, Bayern Munich dhe Basel. /Telegrafi/