Artistja shqiptare me famë botërore, Rita Ora të martën e 6 shtatorit mbajti një koncert në Tiranë, ku u mblodhën mijëra fansa për ta parë nga afër performancën e saj.
E lumtur për rikthimi në Shqipëri, Rita elektrizoi skenën edhe më shumë kur doli e veshur me ngjyrat kuqe e zi dhe shqiponjën.
Por, krahas performancës madhështore, në prapaskenën pas koncertit kishte edhe ngjarje interesante që janë bërë virale.
Një video ka qarkulluar së fundmi në TikTok, ku një fansa shqiptar I ka propozuar martesë këngëtares pas përfundimit të performancës.
“Çfarë pyetje palidhje”, përgjigjet Rita teksa buzëqesh ndërsa shihet e rrethuar me sigurimin dhe stafin e saj.
Ndërkohë, kujtojmë që gjatë qëndrimit të saj në Shqipëri, përveç performancës krijuesja e hitit “Ritual” ka vizituar Liceun Artistik “Jordan Misja” dhe “Shtëpinë e Ngjyrave”.
Ndërsa, nga Presidenti i Shqipërisë, Bajram Begaj u dekorua me titullin “Naim Frashëri”. /Telegrafi/