Lidhja e re e Bleros ka qenë ndër më të komentuarat në shtypin rozë vendor, ndonëse shumë pak dihet rreth vajzës misterioze që ia rrëmbeu zemrën.
Së fundmi, artisti shqiptar ka ndarë me ndjekësit e tij në Instagram një video të shkurtër nga darka romantike me të dashurën e tij; pa dhënë detaje të shumta.
“Faleminderit bejb”, shkroi ai në InstaStory.
Blero siç duket dëshiron të respektojë privatësinë e saj dhe të pakta kanë qenë postimet me të në llogarinë e tij zyrtare.
Ndonëse e ka përmendur shumë gjatë qëndrimit në shtëpinë e BBVK, Blero nuk është shprehur rreth identitetit të saj.
Së fundmi, Blero kishte qenë i shoqëruar në finalen e Big Brother VIP Kosova nga e dashura e tij misterioze të cilën e kishte mbajtur larg kamerave.
Por, Telegrafi pati siguruar disa fotografi ekskluzive të bukuroshes në fjalë, e cila ia ka rrëmbyer zemrën këngëtarit të njohur tash e sa kohë.
Mbetet për t’u parë në vijim nëse do të zbulojmë më shumë nga artisti shqiptar për lidhjen e tij. /Telegrafi/