Mesfushori spanjoll i Chelseat, Cesc Fabregas mund ta shohë Philippe Coutinhon duke e lënë Liverpoolin për Barcelonën.
Barça bëri tri oferta për reprezentuesin e Brazilit, por Liverpooli qëndroi i fortë dhe refuzoi ato duke mbajtur për vete lojtarin e tyre kryesor.
Megjithatë, ish-lojtari i skuadrës nga Camp Nou, Fabregas, ka mbështetur Coutinho për t’u bashkuar me Barcelonën.
Në një intervistë të dhënë, ylli spanjoll e ka cilësuar Coutinhon si lojtar të madh, teksa e sheh edhe me fanellën e gjigantit katalunas në të ardhmen.
“Unë mendoj se ai [Coutinho] është një lojtar i madh”, ka thënë fillimisht Fabregas për televizionin katalunas TV3.
“E shoh atë të përputhet me stilin e Barcelonës, e vërteta është se ai ka atë niveli të lojës…”
“Nga ku e shoh, ai është më i rehatshëm brenda, por gjëja e mirë për këtë lojtar është se ai mund të luajë në pozicione të ndryshme”.
“Të qenit i gjithanshëm është gjithashtu i rëndësishëm”, përfundoi ish-mesfushori i Barcelonës. /Telegrafi/