Ylli spanjoll i Barcelonës, Lamine Yamal ka përfunduar në listën e 30 lojtarëve të nominuar për Topin e Artë 2024.
Mbrëmë (e mërkurë) u publikua lista me 30 të nominuarit për Topin e Artë 2024, çmim i cili do të dhurohet më 28 tetor në Paris.
Në këtë listë nuk munguan emra yjesh që shihen si favorit për ta fituar si: Vinicius Junior, Rodri, Jude Bellingham, Kylian Mbappe dhe Erling Haaland.
Në listën i përfshirë ishte edhe ylli spanjoll i Barcelonës, Lamine Yamal, i cili shkëlqeu me klubin dhe kombëtaren në Euro 2024.
Nominated for the 2024 Ballon d’Or
Lamine Yamal @FCBarcelona @SEFutbol #ballondor pic.twitter.com/GI7DEs3xlg
— Ballon d’Or (@ballondor) September 4, 2024
Talenti i Barcelonës, i cili mbushi 17 vjeç vetëm dy muaj më parë në korrik, tani është më i riu që është nominuar ndonjëherë për çmimin prestigjioz.
Ai ka tejkaluar rekordin e mëparshëm të mbajtur nga Kylian Mbappe, i cili mori nominimin e tij të parë në moshën 18 vjeç e 293 ditë.
Lamine Yamal makes history 𝙖𝙜𝙖𝙞𝙣 as the youngest player ever nominated for the Ballon d’Or, breaking Mbappé’s record 👶✨ pic.twitter.com/NdhhKPdHoZ
— 433 (@433) September 5, 2024
Për referencë, nominimi i parë i rekordmenit të Topit të Artë, Lionel Messit, erdhi kur ai ishte 20 vjeç.
Yamal pati një sezon të spikatur me 16 kontribute për gola në 50 ndeshje për Blaugranat dhe pesë të tjera për Spanjën, duke ndihmuar kombëtaren e tij të fitojë Kampionatin Evropian. /Telegrafi/