Nëna e një ushtari ukrainas, i cili u ekzekutua brutalisht nga ushtarakët rusë, ka përshkruar momentin kur pa djalin e saj, Oleksandr, duke u vrarë.
Një video e shkurtër e ekzekutimit të tij qarkulloi në mediat sociale në fillim të kësaj jave, duke e treguar atë me një cigare në gojë, të veshur me atë që duket të jetë uniformë kamuflazhi të një ushtari që mban një simbol të flamurit ukrainas.
Duke qëndruar në një hendek të vogël në mes të një zone të pyllëzuar, ai bën një “tymosje” të fundit dhe nxjerr një shtëllungë tymi, përpara se të thotë në heshtje: “Slava Ukraini” ose “Lavdi Ukrainës”.
Më pas mund të dëgjohen të shtëna teksa ai qëllohet nga të paktën një person i armatosur, përpara se të bie në tokë.
https://twitter.com/ukrpravda_news/status/1632740171375362049?s=20
Duke folur për gazetën gjermane, Bild, nëna e tij, Praskovyia, tha se ajo mësoi për vdekjen e djalit të saj pasi kishte parë videon në Facebook, shkruan SkyNews, përcjell Telegrafi.
Ajo i referohet atij me pseudonimin e tij, Sasha.
EXCLUSIVE: We spoke with Praskovyia, the mother of soldier Oleksandr, who was brutally executed by Russian soldiers after he said „Slawa Ukraini“. She describes the night she saw the video of execution of her son. We will publish the whole interview tomorrow @bild and youtube. pic.twitter.com/WaiDtCyEyC
— Paul Ronzheimer (@ronzheimer) March 9, 2023
“Ishte mbrëmje, hapa Facebook-un. Po shikoja një video, është Sasha… ishte një video e tmerrshme e ekzekutimit. Unë po shikoja dhe po kuptoja që ishte djali im”, tha ajo.
“Bërtita ‘Sasha’, ishte një tronditje. Videoja mbaron dhe e shikoj përsëri… ky është Sasha im”.
Më pas ajo telefonoi nusen e saj, Yulia, dhe i dërgoi videon, e cila gjithashtu konfirmoi se ishte Oleksandr.
Djali i tij, Misha, gjithashtu e pa videon, shtoi Praskovyia, duke thënë se ai “ishte tmerruar”.
Duke kujtuar reagimin e tij, ajo e përshkroi atë duke thënë: “Gjyshe, ky është babai ynë. E njoha, mënyrën se si pi duhan, si qëndron, ky është babai ynë”.
“Ishte një klithmë nga thellësia e zemrës së tij”. /Telegrafi/