Në vazhdën e bashkëpunimeve të suksesshme, DJ PM dhe DJ Dagz, kanë zgjedhur që në projektin e radhës ta ftojnë reperin S4MM.
“A e din” titullohet kënga e re, të cilën e kanë shoqëruar me një video muzikore.
Tekstin e ka shkruar ylli nga Tetova, Samir Selimi, ndërsa projekti është prodhim i DJ PM, DJ Dagz dhe Don Gima.
Për anën vizuale është kujdesur produksioni XL Films.
Nga projektet e fundit të DJ PM dhe DJ Dagz ishte bashkëpunimi me Lindonin, “Hallall e ke”, që u lansua në muajin shkurt.
Kënga u prit shumë mirë, ndërsa videoja muzikore e ka kaluar shifrën prej një milion shikimesh në YouTube.
Nga ana tjetër, kanë kaluar vetëm dy javë prej se S4MM e lansoi videoklipin e këngës “Aye Aye” që është pritur shumë mirë nga fansat e tij. /Telegrafi/
