Telegrafi

Dy ushtarë rusë pranojnë fajësinë për krime lufte në Ukrainë

Dy ushtarë rusë kanë pranuar fajin për krime lufte në atë që po konsiderohet si gjyqi i dytë që nga fillimi i agresionit rus në Ukrainë.

Sipas mediave të huaja, përcjell Telegrafi, Alexander Bobikin dhe Alexander Ivanov pranuan se ishin pjesë e një njësie artilerie që qëlloi në objektiva në rajonin e Kharkiv nga rajoni Belgorod në Rusi.

Si pasojë, granatimet shkatërruan një institucion arsimor në qytetin e Derhachi, thanë prokurorët.

Ushtarët, të përshkruar si një shofer artilerie dhe një gjuajtës, u kapën pasi kaluan kufirin dhe vazhduan granatimet, tha zyra e prokurorit të përgjithshëm.

E një avokat mbrojtës tha se dyshja kishin ndjekur urdhrat dhe ishin penduar dhe kërkuan që “gjykata të tregojë butësi”.

Por prokurorët në gjyq kërkuan që ushtarët e kapur të dënohen me 12 vjet burg për shkelje të ligjeve të luftës. /Telegrafi/