Interi është rikthyer në lojë në derbin lokal kundër Milanit që njihet si Derby della Madonnina.
Nerazzurrët i shënuan dy gola të shpejtë në pjesën e dytë dhe në këtë mënyrë e barazuan rezultatin ndaj Rossonerëve.
Një top i devijuar shkoi në drejtim të Marcelo Brozovic, i cili goditi me vole dhe shënoi një gol të bukur (51’).
Nuk zgjati shumë dhe erdhi goli i dytë i zikaltërve. Matias Vecino u tregua i vëmendshëm në zonë duke e barazuar rezultatin (53’).
Në vazhdim do të jetë një ndeshje e zjarrtë ndërmjet dy rivalëve të qytetit të Milanos, pasi të dyja skuadrat do ta kërkojnë fitoren. /Telegrafi/
