Talenti i jashtëzakonshëm i Ajaxit, Kasper Dolberg është duke mahnitur botën e futbollit me formën e tij.
Tinejxheri së fundmi ka shënuar një het-trik që ka bërë për vete shumë skuadra të mëdha.
Por duket se në përparësi për transferimin e tij është gjiganti anglez Manchester City.
19-vjeçari falë golave të shënuar ka rritur edhe vlerën e tij, ndërsa Ajax tani i ka caktuar një çmim prej 30 milionë funteve.
Në 21 takime këtë edicion, danezi ka shënuar 11 gola dhe ka dhuruar gjashtë asistime.
Sipas medieve angleze, Guardiola është impresionuar pasi ka parë sulmuesin dhe është i gatshëm ta transferojë atë qysh në afatin kalimtar të janarit.
Kujtojmë që për reprezentuesin danez interesim kanë shfaqur edhe Borussia Dortmund, Atletico Madrid, Chelsea, Juventus, Roma dhe Barcelona. /Telegrafi/