Angel Di Maria mund ta nënshkruajë kontratën e tij me Juventusin nesër (e mërkurë), sipas njoftimeve nga Argjentina.
Pas largimit nga Paris Saint-Germaini, anësori argjentinas ka menduar disa javë para se ta marrë vendimin për të ardhmen e tij.
Meqë kontrata i skadon më 30 qershor, ai është lojtar i lirë, ndërsa Zonja e Vjetër dhe Barcelona kishin bërë oferta serioze dhe ai e zgjodhi ekipin italian.
Palët janë duke diskutuar për detajet finale të kontratës njëvjeçare në vlerë prej 7.5 milionë euro plus bonuset e lidhura me performancën.
Sipas Relevo në Argjentina, Di Maria do ta nënshkruajë që nesër (e mërkurë) kontratën me Juventusin.
Ai ndodhet me pushime në Spanjë dhe besohet se i ka përfunduar më herët fshehurazi ekzaminimet mjekësore. /Telegrafi/