Telegrafi

Derby della Madonnina për mbrojtësin anësorë Alejandro Balde

Alejandro Balde është zbulimi i këtij sezoni në La Liga me fanellën e Barcelonës.

Mbrojtësi i talentuar ka arritur që të luaj shumë ndeshje me Barcelonën këtë sezon , madje trajneri Xavi po e preferon para Jordi Albas e Marcos Alonsos.

Barcelona është duke menduar për ta blinduar lojtarin me kontratë të re, pasi ajo aktualja i skadon në verën e vitit 2024.

Inter dhe Milan janë dy skuadrat e mëdha që kanë shprehur interesim për afrimin e talentit spanjoll, edhe pse Barcelona nuk e ka ndërmend ta shes atë.

Mediat spanjolle kanë raportuar se drejtuesit e dy klubeve të mëdha italiane kanë kontaktuar agjentët e futbollistit për të pyetur rreth interesimit të lojtarit për të luajtur në Serie A.

Megjithatë dëshira e tij është të qëndroj në Camp Nou dhe po pret propozimin e Barcelonës për një kontratë të re. /Telegrafi/