Fundjava në futbollin evropian pritet të jetë tejet atraktive me duele të mëdha që mund të ndikojnë në renditjen tabelare të ekipeve.
Në Ligën Premier është luftë e zjarrtë për pozitat e parë në tabelë, ku Liverpooli do të mundohet t’i kthehet fitoreve, kurse City ka një derbi në shtëpi ndaj Chelseat.
Në Serie A duken gjërat qartë në tabelë, por jo edhe për vendet tjera, ku Interi do t’i shkojë Parmas në udhëtim në sfidën e vështirë.
Në anën tjetër Atletico Madridi e pret rivalin e përbetuar, Realin në sfidën që mund të definojë pak sa luftën për titull pasi Barcelona i shkon Bilbaos në San Mames.
Atletico Madrid – Real Madrid
Koha: 9 shkurt (e shtunë) – 16:15
Transmetimi: Supersport Kosova 2, Supersport 2
Gara: La Liga
Atletico Madridi është në luftë të ashpër për titull me Barcelonën dhe pas humbjes nga Betisi ka rastin t’i bëjë gjërat mirë kur pret rivalin e përbetuar, Real Madridin në Wanda Metropolitano.
Por, forma e Real Madridit që nxori barazim në Camp Nou jep shpresë për një duel të zjarrtë lokal.
Liverpool – Bournemouth
Koha: 9 shkurt (e shtunë) – 16:00
Transmetimit: Supersport Kosova 1
Gara: Premier Liga
Liverpooli vjen nga dy rezultate jo të mira pasi që dihet se barazimet nuk kryejnë punë në luftë për titull.
Bournemouthi viziton Anfieldin dhe Shaqiri me shokë do të provojnë që të bëjnë më të mirën për t’u rikthyer te rrugët e fitores, përndryshe rrezikohet gara për titull.
Manchester City – Chelsea
Koha: 10 shkurt (e shtunë) – 17:00
Transmetimit: Supersport Kosova 1
Gara: Premier Liga
Manchester City e ka obligim të triumfojë në duelin e radhës, por ky obligim vështirësohet tej mase kur dihet se kundërshtar është Chelsea.
Për djemt e Maurizio Sarrit fitorja është detyrim, por City në shtëpi duhet të triumfojë dhe kjo e bën ndeshjen dramatike e cila transmetohet në Supersport Kosova1.
Ndeshjet tjera që vlen të përmenden:
E shtunë:
Fulham – Manchester United (9 shkurt, 13:30, SSK1)
Parma – Inter (9 shkurt, 20:30, SSK1)
E diel:
Sassuolo – Juventus (10 shkurt, 18:00, SSK1)
Milan – Cagliari (10 shkurt, 20:30, SSK1)
Bilbao – Barcelona (10 shkurt, 20:45, SS3)
Aksionin e madh futbollistik të kësaj fundjave mund ta shikoni duke u abonuar në platformën më atraktive televizive, IPKO, që ofron kanalet më të mira për të përjetuar futbollin më të mirë në shtëpinë tuaj.
/Telegrafi/