Përfaqësuesi parlamentar rus dhe ish-komandanti Andrey Gurulyov, beson se kultura e gënjeshtrës brenda ushtrisë ruse po e pengon fitoren e saj në Ukrainë.
Ai është i bindur se raportet e rreme brenda ushtrisë çuan në “vendime të këqija në shumë nivele” të komandës, raporton Sky News.
Ai u ankua se trupat ruse u detyruan të tërhiqeshin deri në 10 kilometra në disa zona, dhe se forcat ukrainase përfituan nga pozicionet mbrojtëse ruse “të pajisura mirë”.
Ish-zëvendës komandanti i qarkut ushtarak jugor, gjithashtu deklaroi se ushtria ukrainase është bërë më kompetente në çminim, transmeton Telegrafi.
Pretendon se mbrojtja ajrore e Ukrainës, në mënyrë efektive pengon helikopterët rusë të përdorin raketa antitank.
Ai shprehu shqetësimin për dronët ukrainas, duke theksuar “se po i përdorin me mençuri, këto sulme i shihni jo vetëm në front, por edhe thellë në territorin tonë”. /Telegrafi/