Deputeti i Partisë Demokratike të Shqipërisë, Asllan Dogjani ka kërkuar sot një rezolutë nga Kuvendi i Shqipërisë në mbështetje të Kosovës.
Ai është shprehur se është i gatshëm të luftojë për Shqipërinë dhe Kosovën.
Referuar situatës në Kosovë, Dogjani nga Kuvendi tha se është i pari që merr armët për Kosovën pasi tha se qytetarët e këtij shteti po sulmohen sërish nga Serbia, ashtu siç ndodhi shumë vite më parë.
“Po qe se është nevoja për të marrë armët për të shkuar e për të luftuar për Shqipërinë dhe Kosovën, po, unë jam i pari që i marr armët. Ne kuksianët i kemi marrë armët për luftën për çlirimin e Kosovës, ku janë vrarë disa të rinj kuksianë për çlirimin e saj. Kemi pritur 500 mijë qytetarë të Kosovës që u përzunë nga Millosheviç dhe Vuçiç, që sot po i sulmon sërish shqiptarët në Kosovë. Po, unë marr armën edhe të luftoj për Kosovën”, tha ai. /Telegrafi/
