Sulmuesi i Barcelonës, Ousmane Dembele thuhet se dëshiron një transferim te Juventusi këtë verë dhe Zonja e Vjetër po i konsideron mundësitë.
Bianconerët dhe Blaugranët kanë negociuar për Miralem Pjanic javëve të fundit dhe një marrëveshje të mundshme shkëmbimi ku përfshihet Arthur Melo.
Por, gazeta Mundo Deportivo pretendon se Dembele ka tërhequr vëmendjen e drejtorit sportiv Fabio Paratici dhe gazeta pretendon se lojtari ka thënë tashmë ‘po’ për të diskutuar një transferim në Allianz Stadium.
Me Federico Bernardeschin që kërkonte të largohej dhe Juan Cuadrado që vepronte kryesisht në mbrojtje, Dembele mund të gjente hapësirë në sulmin e Juventusit nën urdhrat e Maurizio Sarrit.
Sidoqoftë, anësori francez, i cili ka vuajtur nga një seri dëmtimesh që nga transferimi i tij në Camp Nou, do të luftojë për të bindur Zonjën e Vjetër pasi duhet të paguajnë një shifër të madhe për të siguruar nënshkrimin e tij.
Raporti pretendon se Barcelona nuk është e gatshme ta lirojë atë me çmim të lirë dhe të dy palët mund të shikojnë një marrëveshje fillestare të huazimit për të lënë Juventusin të vlerësojë kushtet e Dembeles me kalimin e kohës dhe të vendosë të ardhmen e tij të përhershme në një datë të mëvonshme. /Telegrafi/