Patrick Cutrone është vendosur të kthehet te Wolverhampton Wanderers dhe mund të mbetet në klub për të zëvendësuar Raul Jimenezin e lënduar.
Fiorentina nënshkroi ish-sulmuesin e Milanit në huazim me opsion blerje në janar të 2020, por italiani ka shënuar vetëm pesë gola në 34 paraqitje që nga ajo kohë.
Viola hoqi detyrimin e tyre për të blerë në dhjetor dhe Cutrone thuhet se është në prag të kthimit te Wolves.
Per #Cutrone possibile ritorno al #Wolverhampton https://t.co/22TamVqBnb
— Gianluca Di Marzio (@DiMarzio) January 6, 2021
Sipas gazetarit Gianluca Di Marzio, Cutrone pritet të qëndrojë në klub për të zëvendësuar Jimenezin, i cili pësoi një dëmtim në kokë në dhjetor dhe koha e rimëkëmbjes së të cilit nuk dihet ende.
Cutrone, 23 vjeç, nuk ka shënuar asnjë gol në 13 paraqitje në të gjitha garat me Fiorentinën deri më tani këtë sezon. /Telegrafi/