Javier Hernandez i njohur ndryshe si Chicharito, një sulmues 35-vjeçar meksikan i cili aktualisht luan për Los Angeles Galaxy në MLS dhe i cili në Spanjë luajti për Real Madridin dhe Sevillën, rishikoi karrierën e tij për dhe pranoi se ai ëndërron të jetë me Meksikën në Kupën e Botës së vitit 2026.
Futbollisti nga Guadalajara e kujton kohën e tij në Real Madrid në sezonin 2014-2015, i huazuar nga Manchester United, si një përvojë “të pabesueshme, të jashtëzakonshme”, ku shënoi 9 gola dhe 5 asistime në 31 ndeshje.
“Gjithmonë e kam ndarë pasi gjashtë muajt e parë kanë qenë shumë të komplikuar sepse praktikisht nuk kam luajtur aspak. Luajta shumë pak. Lindën disa lëndime fatkeqe dhe mu dha mundësia në periudhën e dytë të sezonit e cila ishte e jashtëzakonshme dhe diçka unike. E paharrueshme”, ka thënë fillimisht Chicharito për Rodrigo Lara në Paramount+.
“Koha ime në Real Madrid ishte diçka unike, e veçantë, e papërshkrueshme, si një ëndërr”.
Chicharito kujton kohën me Ronaldon në zhveshtoret e Real Madridit
Chicharito u pyet për bashkëjetesën e tij me Ronaldon në Real Madrid dhe sulmuesi meksikan i dedikoi fjalë lavdëruese portugezit:
“Cris është fenomenal në dhomat e zhveshjes dhe gjithashtu në mënyrën e të qenit si njeri”, shtoi meksikani.
“Nuk mendoj se kam takuar apo parë një lojtar dhe mund ta konfirmoj, i cili ka dalë të thotë se Cristiano Ronaldo është një person i vështirë apo i komplikuar”.
“Cris është Cris. Ne e dimë personalitetin dhe konkurreshmërinë e tij, por si shok skuadre janë gjithashtu një nga gjërat që i kam hequr, sepse unë dhe ai patëm bisedime që nuk do të kishin ndodhur nëse ai nuk do t’i kishte lejuar”.
“Njerëzit e shohin Cristiano Ronaldon në një mënyrë shumë arrogante dhe shumë përçmuese, por unë mendoj se ai është një person shumë i ndershëm, shumë i sinqertë dhe nuk do t’ju gënjejë”, përfundoi sulmuesi i njohur. /Telegrafi/