Ylli brazilian i Barcelonës, Philippe Coutinho ka përfunduar në radarin e klubeve angleze, të cilat duan rikthimin e tij në Ligën Premier.
Coutinho aktualisht është në një marrëveshje huazimi dyvjeçar me mundësi blere në fund të sezonit nga Bayern Munich.
Megjithatë, klubi gjerman ende ka dyshime nëse duhet ta shfrytëzoj mundësinë për blerjen përfundimtare te Coutinhos në fund të sezonit.
E ardhmja e tij te Barceona gjithashtu është e pasigurt, duke nxitur spekulime se ai mund të rikthehet në Ligën Premier.
Ish-ylli i Liverpoolit pëlqehet shumë nga katër klube të mëdha angleze.
Sipas mediumit The Mirror, Chelsea, Manchester United, Arsenal dhe Tottenhami kanë pyetur të gjithë për disponueshmërinë e yllit të Barcelonës.
Transferimi i Coutinhos nga klubet angleze nuk do të jetë i lehtë, pasi Barcelona do të kërkoj nga secila të paktën 100 milionë euro. /Telegrafi/