Në botën e muzikës, më e paguara nga femrat është Taylor Swift. Me të ardhura që llogariten në 170 milionë dollarë, ylli i popit renditet e para në listën e revistës “Forbes”.
Fitimet e saj vitin e kaluar ishin dy herë më të larta se ato të konkurrentes më të afërt, britanikes Adele. Pjesën më të madhe të parave, 26-vjeçarja e ka siguruar nga turi botëror i albumit “1989”, i cili ka për titull vitin e saj të lindjes.
“Forbes” liston marrëveshjet e frytshme të marketingut me kompani të mëdha si “Diet Coke”, “Apple” dhe “Keds” si burimin tjetër kryesor të të ardhurave të këngëtares tepër të kuotuar të momentit.
Taylor i ka lënë pas të gjitha të tjerat me suksesin e saj fenomenal në turneun e fundit, thanë drejtues të revistës. Për Adelen, fituese të disa çmimeve “Grammy”, shumica e parave kanë ardhur nga shitja e albumeve.
E treta në listën e muzikanteve femra me të ardhura më të larta për 2016-n rreshtohet Madonna me 76.5 milionë dollarë; e katërta Rihanna, e cila ka spostuar në vend të pestë Beyoncen, ndërsa Katy Perry, nga e para që renditej vjet, këtë vit ka zbritur në vendin e gjashtë.
Renditja:
Taylor Swift (170 milionë dollarë)
Adele (80.5 milionë dollarë)
Madonna (76.5 milionë dollarë)
Rihanna (75 milionë dollarë)
Beyoncé (54 milionë dollarë)
Katy Perry (41 milionë dollarë)
Jennifer Lopez (39.5 milionë dollarë)
Britney Spears (30.5 milionë dollarë)
Shania Twain (27.5 milionë dollarë)
Celine Dion (27 milionë dollarë)