Mbrojtësi i Juventusit, Giorgio Chiellini, nuk ka mundur të përballojë vendimin e gjyqtarit në ndeshjen kthyese ndaj Real Madridit.
Me t’u akorduar penaltia ishte Buffon ai që u përjashtua nga loja prej gjyqtarit Oliver për shkak të protestave.
Protesta dhe fërikme pati mes lojtarëve po ashtu, ku veçohet nga mediat italiane gjesti i Giorgio Chiellinit.
Chiellini My Man!! pic.twitter.com/AsoDFU325A
— SandroSca (@SandroSca) April 11, 2018
Ai bëri gjestin e “parave” në drejtim të Marcelos dhe sipas Mediasetit, Chiellini ka pyetur Marcelon “sa para keni paguar” me këtë gjest.
Chiellini sigurisht se ishte ndarë i pakënaqur me këtë vendim pas një paraqitje të shkëlqyer nga Juventusi që kishte epërsinë prej 3-0 në këtë takim dhe priste vazhdimet në çdo moment.
Juventusi kështu u eleminua me rezultat të përgjithshëm 4-3 pas dy ndeshjeve pas penaltisë së ekzekutuar me përpikmëri nga Cristiano Ronaldo. /Telegrafi/