Chelsea është njëra nga skuadrat që ka shpenzuar më së shumti gjatë afatit kalimtar veror.
Londinezët kanë transferuar futbollistë si Kalidou Koulibaly, Marc Cucurella e Wesley Fofana e Raheem Sterling duke e përforcuar ekipin për sezonin e ri.
Megjithatë shuma e shpenzimeve të Chelseat pritet të rritet në ditën e fundit të afatit kalimtar.
Gjiganti anglez ka bërë një ofertë të lartë në drejtim të Ajaxit për mesfushorin meksikan Edson Alvarez.
Mediat angleze dhe ato holandeze kanë konfirmuar se Chelsea ka ofruar hiq më pak se 50 milionë euro për afrimim e mesfushorit defensivë në Stamford Bridges.
Ajax ka refuzuar fillimisht ofertën e Chelseat, por vet futbollisti po i bën presion klubit të gjej një marrëveshje me gjigantin anglez pasi dëshiron transferimin në Londër.
Bisedimet mes dy klubeve po vazhdojnë dhe në Angli janë të bindur se Alvarez do të bashkohet me Chelsean.
The Blues janë të gatshëm të përfshijnë edhe marokenin Hakim Ziyech në ofertë për Alvarez.
Në rast se zyrtarizohet ky transferim, atëherë 24-vjeçari Alvarez do të bëhej meksikani më i shtrenjtë në histori duke kaluar Hirving Lozanon i cili i kushtoi Napolit 45 milionë euro në vitin 2019./Telegrafi/