Chelsea planifikon të rinovojë edhe për një vit huazimin e Lukakut te Interi

Romelu Lukaku duket se nuk ka ndërmend të rikthehet te Chelsea dhe ndjenja është e dyanshme, me raportime se tashmë ka një marrëveshje në parim për ta lënë atë në huazim te Interi për një sezon të dytë.

Sulmuesi u shit te skuadra e Ligës Premier verën e kaluar për 113 milionë euro dhe pothuajse menjëherë u pendua për vendimin e tij, duke kërkuar një rikthim që nga dhjetori 2021.

Ai u rikthye si huazim për shtatë milionë euro plus tre milionë euro bonuse të lidhura me performancën dhe ka qenë i buzëqeshur me Nerazzurrët, duke bërë shaka me shokët e skuadrës për “gabimin” e tij për largimin herën e parë.

Lexo po ashtu Lukaku dëshiron të qëndrojë te Interi edhe përtej huazimit nga Chelsea

Është e qartë se ai dëshiron ta bëjë atë një kalim të përhershëm, por Interi nuk mund të përballojë të paguajë tarifën prej 100 milionë eurosh, as Chelsea nuk ka nevojë për të rikthyer nën drejtimin e Thomas Tuchel.

Sipas mediumeve Sportsmail dhe Daily Telegraph, të dy klubet e kuptuan se kjo do të ndodhte dhe tashmë kanë arritur një marrëveshje në parim për ta lënë Lukakun në huazim në Giuseppe Meazza edhe për sezonin 2023/24.

Sulmuesi belg tashmë mori një ulje page për të kompletuar huazimin dhe do ta bënte këtë përsëri, ndoshta edhe me një zbritje. /Telegrafi/