Klubi anglez, Chelsea thuhet se po konsideron rikthimin e yllit belg, Eden Hazard, i cili nuk ka arritur të gjej formën më të mirë te Real Madridi.
Hazard ka luftuar për të bërë përshtypje që kur u largua drejt Real Madridit për një shifër të raportuar prej 100 milionë eurosh.
Megjithatë, ylli belg ka dështuar të tregojë më të mirën dhe ka qenë shumë i penalizuar nga dëmtimet e shpeshta.
Sipas gazetës spanjolle AS, Chelsea po vlerëson një rikthim të bujshëm të Hazardit në Stamford Bridge.
Chelsea contacted over Hazard return from Real Madridhttps://t.co/ZWml93G87X
— AS USA (@English_AS) July 21, 2021
Ky medium shton se ambienti i Bluve ka marrë propozimin e ndërmjetësve që i ofrojnë belgut për kthimin e tij hipotetik në Londër.
Marrëveshja duket shumë e komplikuar, pasi Chelsea tani ka në skuadër shumë lojtar të profilit të Hazardit.
Në anën tjetër edhe Reali nuk e lejon largimin e lojtarit në huazim, pasi synon ta shesë për së paku 60 milionë euro.
30-vjeçari mban një marrëdhënie të fortë me disa nga ish-bashkëlojtarët dhe një rikthim nuk do të ishte befasi nëse belgu do pranonte rikthimin. /Telegrafi/