Ylli i suksesshëm i hip-hopit shqiptar, Capital T, ka ndjekur nga afër një koncert të këngëtarit të famshëm kanadez, Drake.
Trim Ademi është mahnitur me performancën skenike dhe gjithë organizimin e koncertit të muzikantit 32-vjeçar duke shpresuar që koncerte të këtij niveli të organizohen edhe te ne.
“Kur sheh nga afër koncertin e një artisti si Drake, inspirohesh dhe mendon që publiku shqiptar meriton të tilla koncerte…”.
“Meriton të shijojë vërtet një skenë që ka të gjitha elementet që duhet t’i ketë një spektakël. Larg asaj që i është servuar deri tash”.
“Bashkë mund të bëjmë diçka të madhe, bashkë mund t’i tejkalojmë limitet edhe të dalim jashtë kornizave”, ka shkruar Capital T në Instagram. /Telegrafi/