Mattia Caldara beson se ai ka bërë një zgjedhje më të mirë se ish-shoku i tij te Atalanta, Roberto Gagliardini, duke u bashkuar me Juventusin sezonin e ardhshëm sesa mesfushori që zgjodhi Interin.
Gagliardini u largua nga Atalanta për Interin në janar të vitit 2017.
Por, mesfushori italian nuk ka luajtur edhe shumë nën urdhrat e Luciano Spallettit këtë sezon.
Kështu, mbrojtësi Caldara ndjen se ai ka të drejtë që shtyu transferimin e tij në Juve për një vit e gjysmë.
“Vendimi i Gagliardinit për t’u bashkuar menjëherë me Interin? Sipas mendimit tim, ai tregoi se ishte një lojtar i madh në Atalanta dhe meritonte të bashkohej me Interin”, ka thënë fillimisht Caldara për Radio Anch’io Sport.
“Tani ai nuk po kalon një kohë të mirë, por ai do të jetë pjesë e së ardhmes së Italisë”.
“Megjithatë, mendoj se unë kam bërë zgjedhjen më të mirë”, përfundoi italiani.
Ndryshe, të dy futbollistët kanë qenë shokë të mirë te Atalanta, teksa të njëjtën gjë e kanë bërë edhe si reprezentues të moshave të Italisë. /Telegrafi/