Këtë javë i ftuar në “Shok Podcast” ka qenë sipërmarrësi i njohur Petrit Kllokoqi.
Ai ka rrëfyer shumë detaje nga jeta e tij private dhe personale, ku ka folur kryesisht për bizneset e tij dhe jetën e natës në kryeqytet.
E kur biseda u shpërqendrua te “Zone Club” ku ai është aksionar, pjesë e bisedës u bë edhe banori i shumë përfolur i Big Brother VIP Kosova, Ylli Dërvishi (Buci).
Moderatori i podcastit, Fis Juniku, e detyroi Petritin ta thërriste Yllin në telefon për ta pyetur, nëse rastësisht ia ka ndaluar hyrjen në klub të natës Gani Gërmisë, i cili ka qenë një prej kundërshtarëve të tij më të mëdhenj në BBVK.
E teksa Petriri ia parashtroi pyetjen, Buci u përgjigj me “Jo”, duke lënë kështu të kuptohet se çdo gjë që ka ndodhur në Big Brother, mbetet në Big Brother.
Buci edhe pse shihej si një prej konkurrentëve më të fortë të këtij edicioni në Big Brother VIP Kosova, u eliminua vetëm dy javë para finales së madhe.
Edicioni i dytë i BBVK u fitua nga ish-futbollisti vitias, Lumbardh Salihu. /Telegrafi/