Ministria britanike e Punëve të Jashtme njofton se i ka vendosur në listën e sanksioneve katër manjatë rusë që financojnë luftën e Vladimir Putinit në Ukrainë.
Mes të sanksionuarve janë Alexander Abramov dhe Alexander Frolov, të cilët vendi i lidh me biznesmenin Roman Abramovich, i sanksionuar nga Londra në fillim të këtij viti.
“Putini vazhdon të mbështetet nga elita e përzgjedhur me qëllim të mbajtjes së kontrollit të tij dhe për të nxitur pushtimin e tij të paligjshëm të Ukrainës. Sot ne po sanksionojmë katër oligarkë të tjerë që mbështesin Putinin në këmbim financojnë makinerinë e tij ushtarake. Duke sanksionuar këta individë, ne po rrisim presionin ekonomik ndaj Putinit dhe do të vazhdojmë ta bëjmë këtë derisa Ukraina të mbizotërojë”, tha sekretari i Jashtëm britanik James Cleverley.
🚨 SANCTIONED: four Russian steel and petrochemical tycoons funding Putin's war.
🔗 https://t.co/rhUtkdpO7q pic.twitter.com/m1qfuCbM2y
— Foreign, Commonwealth & Development Office (@FCDOGovUK) November 2, 2022
Gjithashtu sot janë sanksionuar Airat Shaimiev, i cili ka një vlerë neto prej 902 milionë paund dhe Albert Shigabutdinov, i cili ka një vlerë neto prej 977 milionë paund.
Ashtu si Abramov dhe Frolov, ata të dy janë subjekt i ndalimeve të udhëtimit, ngrirjes së aseteve dhe sanksioneve të transportit. /Telegrafi/