Nuk ka qenë mbrëmja më e mirë e mundshme për skuadrat favorite në NBA.
San Antonio Spurs ka pësuar humbje befasuese para tifozëve të saj nga Orlando Magic 110:117.
Aaron Gordon ka qenë fantastik për Magic, duke shënuar 26 pikë e duke dominuar nën kosh me tetë kërcime.
Me lojë të mirë tek Orlando u dalluan edhe Augustin me 18 pikë e Fournier me 16 të tjera.
Për Spurs nuk mjaftuan 25 pikët nga De Rozan për ta shmangur humbjen e tretë këtë edicion në NBA.
Humbje të thellë ka pësuar edhe Philadelphia 76ers në udhëtim tek Brooklyn Nets 97:122.
Fundori Dangelo Russell ishte më meritori për këtë fitore të madhe të Nets, pasi kontribuoi me 21 pikë e gjashtë asistime.
Për Brooklyn Nets kjo ishte fitorja e katërt nga 10 ndeshje të zhvilluara, derisa për Philan ishte humbja e pestë në 11 takime.
Befasi ka qenë edhe humbja e Memphis Grizzlies nga Phoenix Suns 100:102.
Now entering SICKO MODE. pic.twitter.com/fCNbOcZbK7
— Phoenix Suns (@Suns) November 5, 2018
Në fakt ka qenë Devin Booker që i ka dhuruar fitoren Suns në sekondën e fundit me një gjuajtje vendimtare.
Booker shkëlqeu në këtë sfidë me 25 pikë, ndërsa u ndihmua edhe nga Trevor Ariza për ta marrë fitoren e dytë këtë edicion.
Për Grizzlies që nisën mirë sivjet, ishte humbja e tret në tetë ndeshje. /Telegrafi/
Rezultatet:
Philadelphia 76ers – Brooklyn Nets 97-122
San Antonio Spurs – Orlando Magic 110-117
Memphis Grizzlies – Phoenix Suns 100-102
New York Knicks – Washington Wizards 95-108
Minnesotta Timberwolves – Portland Trail Blazers 81-111
Sacramento Kings – Milwaukee Bucks 109-144
