Sot (e diel) shënohet Shën Valentini apo Dita e të Dashuruarve.
Është pikërisht dita kur njerëzit ia shfaqin dashurinë një personi tjetër përmes dhuratave e surprizave të ndryshme.
Dhe më këtë rast befasitë, dedikimet romantike nuk munguan as nga të famshmit shqiptarë, të cilët përmes rrjeteve sociale zgjodhën fotografitë e përbashkëta për të uruar partnerin/en.
Beatrix Ramosaj, Shkenda Dubova, Big Mama, Anita Muçaj – Haradinaj, Enis Bytyqi, Dafina Zeqiri dhe DJ Geek, Butrint Imeri, Lori Hoxha, Lei Kraja – janë ndër të famshmit shqiptarë që kanë uruar apo kanë realizuar fotosesione të veshur me të kuqe, si ngjyrë simbolike të Shën Valentinit.
Beatrix Ramosaj
Këngëtarja Beatrix Ramosaj ka qenë ndër të parët artistë që ka uruar festën e Shën Valentinit.
“Urime Ditën e Shën Valentinit. Për më shumë e më shumë dashuri sot, nesër dhe gjithmonë”, ka shkruar ajo.
Shkenda Dubova
Artistja nga Gjilani ka uruar Ditën e të Dashuruarve në rrjete sociale dhe ka deklaruar se është beqare.
“Urime Shën Valentini për të gjithë shpirtat e dashuruar, për të gjithë ata që po më pyesni se a jam në lidhje apo e dashuruar – unë nuk jam në lidhje jam e lirë si zogu, jam beqare. Kështu që ju uroj sa më shumë harmoni dhe sa më shumë dashuri”, theksoi Dubova.
Big Mama
Këngëtarja nga Maqedonia, Big Mama, ndonëse vazhdon të jetë beqare për Ditën e të Dashururve publikoi një fotografi nga shtrati me një arush, ku shkroi: “Gëzuar Shën Valentinin”.
Anita Muçaj – Haradinaj
Prezantuesja e njohur shqiptare u befasua ditën e djeshme nga bashkëshorti i saj, Ramush Haradinaj dhe fëmijët duke i dhuruar nga një trëndafil të kuq.
“Në vigjilje të Shën Valentinit! Gëzuar pë rata që kanë shumë dashuri për të marrë dhe dhuruar”, tha Muçaj.
Enis Bytyqi
Këngëtari nga Ferizaj uroi Ditën e Shën Valentinit me një fotografi nga martesa përkrah bashkëshortes së tij, Rinës.
“Urimë Ditën e Shën Valentinit”, ka thënë Bytyqi.
Dafina Zeqiri dhe DJ Geek
Çifti të cilët u rikthyen sërish bashkë nuk munguan me dedikime e fotografi provokuese në rrjete sociale.
“Valentimi im”, ka shkruar Dafina në një imazh ku shfaqet sipër partnerit të saj, DJ Geek. Ky i fundit në anën tjetër publikoi një imazh nga pushimet duke bërë të njëjtin përshkrim, “Valentini im”.
Butrint Imeri
Këngëtari Butrint Imeri ka realizuar një set të ri fotografik për Ditën e të Dashuruarve. Ai u shfaq me një kostum elegant të zi e me një sërë trëndafilash të kuq në dorë.
“Valentini juaj”, ka qenë përshkrimi i fotografive.
Lori Hoxha
Blogerja shqiptare ka ndarë një fotografi në rrjete sociale në të cilën mban në duar disa trëndafila dhe pyet nëse ndokush dëshiron të bëhet ‘Shën Valentini’ i saj.
“Bëhu Valentini im”, ka shkruar ajo.
Lei Kraja
Prezantuesja shqiptare u shfaq në një pozë provokuese për Shën Valentin, me një palë sytjena të kuqe e geta të po së njëjtës ngjyrë.
“Urime Dita e Shën Valentinit. Nuk ka asnjë formulë për dashuri. Ekziston në forma dhe mënyra të ndryshme”, kanë qenë fjalët e Krajës. /Telegrafi/