Telegrafi

Bebe Rexha kërkon një bashkëpunim me shqiptaret e famshme, Dua Lipa, Rita Ora dhe Ava Max

Bebe Rexha, Rita Ora, Dua Lipa, Ava Max (Foto: Getty Images/Guliver)

Bebe Rexha ka bërë një kërkesë të madhe për këngëtaret shqiptare me famë botërore, Dua Lipa, Rita Ora dhe Ava Max.

Këngëtarja me origjinë nga Dibra që po ndërton karrierë në SHBA dëshiron një bashkëpunim ndërmjet katër yjeve të mëdha të skenës botërore.

Dëshirën e saj, 29-vjeçarja e ka bërë publike përmes një postimi në Twitter, me ç’rast i ka etiketuar tri këngëtaret tjera.

“Dua një bashkëpunim me Dua Lipën, Rita Orën, Ava Max”, ka shkruar Bebe në një postim në rrjetet sociale, duke e shoqëruar me ngjyrat kuq e zi.

Rita dhe Dua tashmë janë dy këngëtare që kanë zënë vend në arenën ndërkombëtare të muzikës pop duke kryesuar me hitet e tyre të shumta, si edhe duke konkurruar në evenimentet më të mëdha të muzikës.

Bebe Rexha dhe Rita Ora (Foto: Jesse Grant/Getty Images for Aviation Gin/Guliver)

Bashkë me to është edhe Bebe, e cila në vitet e kaluara ka realizuar disa hite që i kanë pushtuar top-listat botërore.

Dua Lipa (Foto: Getty Images/Guliver)

Në ndërkohë, Amanda Ava Koci e njohur si Ava Max, është këngëtarja shqiptare në ngritje.

Ava Max (Foto: Dimitrios Kambouris/Getty Images for NARAS/Guliver)

Ajo ka lindur në të SHBA-ve, ku prindërit e saj kishin shkuar nga Saranda, ndërsa tash po bën karrierë në Britani të Madhe, ku është zhvendosur bashkë me prindërit e saj. /Telegrafi/