Hatem Ben Arfa vazhdon të jetë njëri nga lojtarët më të kërkuar në Evropë.
Sulmuesi francez ka shkëlqyer këtë edicion me Nicen në kampionatin francez, duke shënuar 22 gola.
Forma e mirë e tij ka bërë që pas t’i vihen shumë skuadra të njohura evropiane, ndërsa më e fundit është Bayern Munich.
Mediat në Gjermani kanë shkruar se Carlo Ancelotti ka kërkuar transferimin e francezit në ‘Allianz Arena’, pasi lojtari i përshtatet skemave të tij.
Gjithsesi për ta blerë Ben Arfan nga Nice, Bayern duhet të ofrojë rreth 20 milionë euro.
29-vjeçari po kërkohet edhe nga skuadra tjera të mëdha si Chelsea, Liverpool, PSG, Milan, Inter dhe Borussia Dortmund. /Telegrafi/