Në qendër të qytetit të Kievit, Ukrainë është duke u zhvilluar një situatë dramatike ku policia është duke negociuar me një burrë i cili me bombë po kërcënon pasi është barikaduar brenda një banke.
Sipas zëvendësministrit të Punëve të Jashtme, Anton Gerashchenko, në orët e para të pasdites policia është telefonuar nga përfaqësuesja e “Universal Bank” që gjendet në një qendër tregtare, transmeton Telegrafi.
Ajo theksoi se në filial është futur një burrë 35-vjeç i cili pretendonte se ka me vete në çantë një bombë. Ky burrë më pas ka kërkuar të kontaktojë me policinë.
Punonjësit e bankës janë liruar dhe menjëherë kanë dalë nga banka, kurse me sulmuesin ka mbetur vetëm menaxheri i pikës dhe atë me dëshirën e tij. /Telegrafi/
