Barcelona është e vendosur të mbledhë fonde këtë verë, teksa vazhdon të përpiqet të përmirësojë situatën e saj financiare.
Nënshkrimi prej 62 milionë eurosh i Dani Olmos do të mbyllet në 24 orët e ardhshme dhe nevojiten para për të balancuar librat financiar – ata do të marrin disa nga shitja e afërt e Julian Araujos, por nevojiten më shumë.
Lajmi i mirë për Barcelonën është se ata do të marrin fonde nga shitja e Jean-Clair Todibo nga Nice, për të cilin ata kanë një klauzolë ku mbajnë 20% nga shitja e ardhshme.
Sipas ekspertit të transferimeve Fabrizio Romano, West Ham United ka rënë dakord për një marrëveshje për mbrojtësin francez që kap vlerën e 40 milionë eurove.
🚨⚒️ EXCLUSIVE: West Ham director Tim Steidten travels to Nice as #WHUFC are hijacking Jean-Clair Todibo deal!
Juventus in talks for weeks but no green light from Nice.
Agreement West Ham-Nice now DONE for €40m plus sell-on clause.
West Ham trying to book medical on Friday! pic.twitter.com/a9M2vgfb1i
— Fabrizio Romano (@FabrizioRomano) August 8, 2024
Megjithatë, ende nuk është konfirmuar, pasi Todibo nuk ka dhënë dritën jeshile për një marrëveshje. Ai ka pasur prioritet një lëvizje në Juventus, por West Ham tani ka ecur përpara në garë në këtë fazë.
Për më tepër, Barcelona nuk do t’i merrte paratë tani. Marrëveshja e West Ham për Todibo është një huazim fillestar me detyrim blerje për 40 milionë euro.
Katalanasit do të marrin 8 milionë euro nëse kompletohet transferimi, por jo deri në verën e ardhshme. /Telegrafi/