Barcelona nuk do të ndryshoj vetëm trajnerin në verë, por do të ketë edhe shumë afrime dhe largimeve të futbollistëve.
Gjiganti katalunas do të mbetet pa trajner në fund të këtij sezoni, pasi Luis Enrique ka paralajmëruar largimin nga skuadra me përfundimin e këtij sezoni.
Për këtë, drejtuesit e Barcelonës, Robert Fernandez dhe Urbano Ortega kanë dalë në gjah për të kërkuar futbollistë të rinj që do të vinin si përforcime për trajnerin e ardhshëm të klubit.
Kështu, Fernandez dhe Ortega ishin gjatë javës në Londër për të përcjell ndeshjen West Ham-Chelsea, ku objektiv i tyre ishin tre futbollistë të ‘Bluve’ që pëlqen shumë nga Blagranët.
Sipas gazetës spanjolle ‘Marca’, Barcelona po interesohet për mbrojtësit spanjoll të Chelseat, Cesar Azpilicueta dhe Marcos Alonso dhe mesfushorin serb, Nemanja Matic, të cilët i kanë etiketuar si përforcime të skuadrës për sezonin e ri, përcjell Telegrafi.
Problemi i vetëm i katalunasve thuhet të jenë pagat e futbollistëve, të cilët në Ligën Premier paguhen shumë dhe Barcelona mund të mos ia kënaq apetitet financiare.
Në fokusin e Barcelonës për të transferuar gjatë verës janë edhe mbrojtësi i Arsenalit , Hector Bellerin dhe ai i Valencias, Joao Cancelo. /Telegrafi/