Avokati saudit bën thirrje që Ronaldo të “arrestohet dhe të depërtohet” pas gjestit të shëmtuar, pretendon se është paraqitur padi

Një avokat nga Arabia Saudite pretendon se ka paraqitur një padi që kërkon arrestimin dhe dëbimin e Cristiano Ronaldos nga vendi, pas një gjesti të pahijshëm të bërë pas ndeshjes së Al Nassr ndaj Al Hilal.

Ronaldo, i cili u transferua në dhjetor te Al Nassr shkaku i një page fitimprurëse prej 200 milionë eurosh në vit, bëri një gjest të shëmtuar në paraqitjen e tij të fundit.

Al Nassr, pasi kishte shkarkuar së fundmi trajnerin Rudi Garcia, humbi 2-0 ndaj Al Hilal të Odion Ighalo të martën.

Ylli portugez u ndëshkua me karton të verdhë nga gjyqtari Michael Oliver për një goditje me kokë në stilin MMA ndaj një kundërshtari.

Lexo po ashtu Ronaldo u ndëshkua pas goditjes në kokë dhe rrëzimit të kundërshtarit në tokë në stilin e një luftëtari të UFC

Por, ishin veprimet e tij pas ndeshjes ato që kanë bërë bujë serioze. Jo për herë të parë, Ronaldo iu nënshtrua talljeve brutale të tifozëve në fund të lojës, duke brohoritur emrin e Lionel Messit si provokim ndaj portugezit.

Ai u duk se u përgjigj duke bërë një gjest të turpshëm ndaj tifozëve vendas – duke i kapur organet gjenitale.

Por, ai tani mund ta gjejë veten në telashe serioze. Nouf bin Ahmed, një avokat që punon me Komisionin e Kombeve të Bashkuara për Ligjin e Tregtisë Ndërkombëtare, shkroi në Tëitter për të kërkuar që 38-vjeçari të ndëshkohej.

Lexo po ashtu Ronaldo bëri një gjest të turpshëm ndaj fansave pasi ata e provokuan me brohoritjen "Messi, Messi"

“Unë nuk e ndjek sportin. Edhe nëse turma provokoi Ronaldon, ai nuk dinte si të reagonte. Sjellja e Cristianos është një krim. Një akt i pahijshëm publik, i cili është një nga krimet që lejon arrestimin dhe dëbimin nëse kryhet nga një i huaj. Për këtë çështje do t’i paraqesim një peticion Ministrisë Publike”.

Në vijim, avokati pretendon se ka dorëzuar padinë në Ministrinë Publike dhe është zotuar se do ta mbajë publikun “të informuar për rastin”.

“Padia është dorëzuar në PP kundër Cristianos. Ne do t’ju mbajmë të informuar për rastin. Kjo konsiderohet si një krim i çnderimit publik dhe është një nga krimet që sjellin arrestimin dhe dëbimin nëse kryhet nga një i huaj”, përfundoi avokati. /Telegrafi/