Aston Villa ka regjistruar fitore prej 3-0 përballë Arsenalit në stadiumin Emirates, në ndeshjen e xhiros së tetë në Ligën Premier.
Rezultati u zhbllokua me një autogol të Bukayo Saka, i cili gaboi në minutën e 25-të të takimit dhe ky ishte goli i vetëm në pjesën e parë.
Më gjysmën e dytë, mysafirët shënuan edhe dy gola të tjerë. I asistuar nga Ross Barkley, Ollie Watkins e dyfishoi epërsinë (72’).
I njëjti futbollist e realizoi edhe golin e tretë për vizitorët (75’). Watkins në golin e dytë personal u asistua nga Jack Grealish.
Aston Villa ka arkëtuar 15 pikë pas tetë xhirosh dhe mban vendin e gjashtë në tabelë, ndërsa Arsenali është në pozitën e 11-të me 12 pikë. /Telegrafi/
Ollie Watkins gunman pic.twitter.com/3CWpPp8r0A
— 🤹♂️ (@romariocerti) November 8, 2020