Marco Asensio thuhet se dëshiron të bashkohet në Juventus me ish-bashkëlojtarin e tij te Real Madridi, Cristiano Ronaldon.
Ylli spanjoll, Asensio, thuhet se është duke e diskutuar të ardhmen e tij dhe mund të kemi një largim nga Santiago Bernabeu.
Sipas gazetës italiane Tuttosport, drejtuesit e Real Madridit kanë perceptuar disa lëvizje nga Asensio në drejtim të Juventusit.
E gjithë kjo pasi anësori spanjoll është i mahnitur nga pritja që Ronaldo mori nga tifozët e Juventusit në sezonin e kaluar.
Gazeta shpjegon se Alvaro Morata gjithashtu i tregoi atij gjëra të mrekullueshme për Torinon dhe Bianconerët gjatë kohës së kaluar në Allianz Stadium.
Për më tepër, spanjolli do të jetë i mendimit se ai mund të bëjë një hap të mëtejshëm në cilësi nën drejtimin e Massimiliano Allegrit.
Besim në këtë pikë i jep përparimi i sulmuesit Morata dhe mesfushorit Paul Pogba.
Asensio mendohej se do ishte njëri nga lojtarët që do të rritej në mungesën e Ronaldos, por 22-vjeçari paralajmëroi çuditërisht se ai nuk mund ta mbaj këtë ekip. /Telegrafi/