Tashmë duket se është vendosur se Kwadwo Asamoah do të largohet nga Juventusi.
Por, mbrojtësi do vazhdojë të jetë pjesë e kampionati elitar italian.
Sipas Sky, lojtari ka përfunduar tashmë testet mjekësore me Interin, ndërsa zyrtarizimi do të bëhet në javët në vazhdim.
Ganezi i cili ka kaluar gjashtë vite me Zonjën e Vjetër pritet të nënshkruajë kontratë tre vjeçare me ziklatrit.
29-vjeçari i është bashkuar skuadrës së drejtuar nga Luciano Spalletti si lojtar i lirë.
Përvoja e Asamoah mund të jetë e nevojshme për sezonin e ardhshëm, posaçërisht nëse kualifikohen në Ligën e Kampionëve.
Interi tashmë ka siguruar edhe shërbimet e mbrojtësit, Stefan de Vrij. /Telegrafi/
https://www.youtube.com/watch?v=Ubh7lrQhccY