Arthur Melo është lojtari më i fundit që e sqaron se cila është diferenca mes lojës që bën Cristiano Ronaldo dhe Lionels Messi.
Shumë lojtarët që kanë pasur të luajnë me yllin portugez dhe atë argjentinas janë pyetur se çfarë i dallon dyshen.
Arthur kaloi në verën e kaluar te Zonja e Vjetër si pjesë e marrëveshjes me Miralem Pjanicin që kaloi te Barcelona.
Tani, braziliani ka sqaruar diferencën e madhe mes 35-vjeçarit dhe 33-vjeçarit në mënyrën se si luajnë.
“Mund të them se Cristiano është një lider në dhomat e zhveshjes, por edhe në fushë. Kur kemi ndeshjet të mëdha, ai na mbledhë të gjithëve dhe na motivon që të japim më të mirën”, ka thënë 24-vjeçari për Desimpedidos.
“Unë do të shkoja me Cristianon, ne po luajmë së bashku!. Nuk jam aq i afërt me Cristianon sa të shkoj rreth shtëpisë së tij për kafe, por ne kemi një marrëdhënie të mirë”.
“Çdo person ka mënyrën e tij të demonstrimit të lidershipit. Messi e bën atë me veprime, aq sa duket se nuk e bën”.
“Ai e demonstron atë kur merr topin, me vullnetin e tij për të fituar ndeshjen dhe të gjithë shokët e tij të skuadrës e vërejnë këtë”.
“Por, Ronaldo ëhstë një lojtar që në ndeshjet e mëdha shpërthen në gola dhe kërkon që të gjithë të jenë me të në ato momente”, ka shtuar më tej Melo.
Një koleg pune duke ju thënë se çfarë duhet të hani nuk duket saktësisht si personi më argëtues për të punuar, dhe Ronaldo Jr sigurisht do ta dinte se si ndihet braziliani.
Ish-ylli i Real Madridit zbuloi kohët e fundit se ai mërzitet se përse djali i tij konsumon pije të gazaura. /Telegrafi/