Lideri aktual i Ligës Premier, Arsenali po hedh një rrjetë të gjerë pasi trajneri Mikel Arteta kërkon një qendërsulmues të ri këtë verë.
Sipas mediumit London Evening Standard, Arsenali ka kërkuar një sulmues “më fizik” me pesë lojtarë që po vëzhgohen për të shtuar një “dimension shtesë” në sulmin e tyre.
Juventusi po “përgatitet për jetën” pa Dusan Vlahovic, të cilin Topçinjtë e kanë ndjekur për një kohë të gjatë, por 23-vjeçari, iu bashkua Juventusit nga Fiorentina në janar të vitit 2022.
Serbi ka shënuar njëmbëdhjetë gola këtë sezon, por ka luftuar për gola gjatë javëve të fundit për klubin e tij edhe pse Arteta është ende një tifoz.
Reprezentuesit e Anglisë, 26-vjeçari i Evertonit, Dominic Calvert-Lewin dhe 25-vjeçari i Romës, Tammy Abraham, gjithashtu “përshtaten me formën” e asaj që trajneri i Arsenalit kërkon.
Ata janë gjithashtu në ndjekje të ‘makinerisë’ së golave, nigerianin e Napolit, Victor Osimhen.
Megjithatë, ylli i Napolit ndiqet nga shumë klube të mëdha evropiane dhe çmimi i tij është mbi 100 milionë euro.
I pesti është Rasmus Hojlund i Atalantës.
20-vjeçari ka shijuar një pushim të jashtëzakonshëm ndërkombëtar me pesë gola në dy ndeshje për Danimarkën.
Ai ka shënuar shtatë gola në sezonin e tij debutues për Atalantën, pas një transferimi prej 15 milionë funtesh në verë nga Sturm Graz i Austrisë. /Telegrafi/
