Arsenali është kualifikuar në të tetën e finales së Kupës EFL pas fitores prej 0-4 në udhëtim te Nottingham Forest.
Vetëm një gol u shënua në pjesën e parë dhe atë një supergol. Ishte mesfushori shqiptar, Granit Xhaka, që shënoi golin më të bukur në këtë mbrëmje (23’).
Topçinjtë ia dolën të shënojnë tri herë në pjesën e dytë për ta pasur të sigurt fitoren.
Në këtë gjysmëlojë, protagonist ishte Lucas Perez, i cili i realizoi dy gola dhe asistoi në një tjetër.
Fillimisht, ai u tregua i saktë nga pika e bardhë, ndërsa më pas shënoi nga një gabim i mbrojtjes vendase.
Për rezultatin përfundimtar u kujdes Alex Oxlade-Chamberlain, i cili realizoi në minutat shtesë (90’+3). Perez ishte asistues i këtij goli. /Telegrafi/
https://www.youtube.com/watch?v=5B6_cS-v7NM
https://youtu.be/BYfVtirDFr4
https://youtu.be/ET2l6LEwpJY